พุทโธหนิ ตายบ่เป็น ความตายก็บ่ถึก(ไม่ถูก)พุทโธ น้ำท่วมก็บ่ถึกพุทโธ บ่ถึกธัมโม เฮาเห็นพุทโธ ธัมโม สังโฆ เห็นพุทธัมสงฆ์ภายใน ก็เห็นพระรัตนตรัย นั่นล่ะ

..พุทโธหนิ ตายบ่เป็น ความตายก็บ่ถึก(ไม่ถูก)พุทโธ น้ำท่วมก็บ่ถึกพุทโธ บ่ถึกธัมโม เฮาเห็นพุทโธ ธัมโม สังโฆ เห็นพุทธัมสงฆ์ภายใน ก็เห็นพระรัตนตรัย นั่นล่ะ  คือแก้วสามประการก็เห็นเท่านั่น

นั่งมาหา หาให้เห็นอันนี้ เมื่อธาตุสิแตก ขันธ์สิดับ สิเอาจิตมาอยู่อันหนิ  แม้นบ่แม่มี  สิมาอยู่กับผู้ตายบ่เป็น เดี่ยวหนิพาเฮ็ดอยู่เดี่ยวหนิ นี่แหละพึ่ง เอาจิตเฮามาพึ่งอยู่กับผู้ตายบ่เป็น ไฟไหม้ก็บ่ถึก ลมพัดก็บ่ถึก พุทโธหนิ ธัมโม สังโฆ หนิ

ให้เข้าใจว่า มาหา ที่พึ่งอันประเสริฐ แต่กี๊(แต่ก่อน)ได้แต่ท่องเอาซื๊อๆ(ถ่องเอาเฉยๆ) พุทธัง ธัมมัง สังฆัง สรณัง คัจฉามิ ท่องเอาซื้อๆ เวลามารับศีล เพิ่น(ท่าน)ก็บอกนี่ล่ะที่พึ่งอันประเสริฐ ติสะระณะคะมะนัง นิฏฐิตัง

ติ แปลว่า 3 นี่แหละคือที่พึ่งอันประเสริฐ แปลว่าจั๊งสิ(แบบนี้) 3 ประการ คือที่พึ่งอันประเสริฐ ถ้าเฮาบ่ทันเห็น พุทโธ ธัมโม สังโฆ ภายใน เฮาก็ท่องเอา เอาอันนี่มาเป็นที่พึ่ง ของใจ ถ้าไปเห็นแล้ว ยิ่งสิเข้าใจลึกเอาไปว่า อ๋อ นี่ติ พุทโธ ธัมโม สังโฆ ที่เพิ่นว่า บอกว่าสรณะที่พึ่ง มันพึ่งได้อย่างได๋ มันพึ่งได้แบบนี่ เอาพุทโธมายืนโรงไว้นั่น

ครูบาอาจารย์บอก ถ้าเห็นพุทโธแล้ว มีต้องรู้จักใช้ ได้ต้องรู้จักเอา เอาพุทโธ มาใช้ ใช้เฮ็ดหยัง อยู่จั๊งซี่ก็ใช้ได้ พุทโธหนิ คือ ผู้รู้ ผู้รู้ หนิคือตัวของเรา ผู้รู้คือเรา เอาเราหนิแหละยืนโรงไว้

เวลาเขาด่ามา ก็บ่ถึกเรา เป็นหยังบ่ถึง เราคือผู้รู้ซื้อๆ(ผู้รู้เฉยๆ) บ่มีตัวมีตนสัตว์บุคคล เค้าป้อยด่าสาปแช่งมา ถ่มน้ำลายขึ้นฟ้า มันก็ถึกหน้ามันนั่นล่ะ เฮาก็รู้จักว่ามันบ่ถึกพุทโธดอก มันก็บ่เคียด(ไม่โกรธ)แล้วล่ะ แม้นบ่(ใช่มั้ย)ยายใหม่ มันบ่ถึก

นี่ล่ะมันจะพึ่งกันอย่างซี่เด้ เพิ่นว่าให้ หลวงพ่อเพิ่นสั่ง เอาพุทโธยืนโรงไว้ เอาธัมโม สังโฆ พุทโธ ธัมโม สังโฆ ยืนโรงไว้ เมื่อมีเหตุการณ์อิหยัง(อะไร)เกิดขึ้นมาหนิ ก็ให้เอาอันนี้ยืนโรงไว้ ยืนไว้เฮ็ดหยัง(ยืนไว้ทำไม) ยืนเป็นสรณะที่พึ่ง ตาเห็นรูป พุทโธก็รู้ให้ซื้อๆ พุทโธคือผู้รู้ แม่นบ่ล่ะแม่มี

พุทโธก็รู้ให้ซื้อๆ พุทโธไปจับไปบายเอาได้บ่ฮั่นหนิ บ่ เป็นผู้รู้ให้ซื้อๆ รู้แล้วก็ละ ก็วาง พุทโธหนิ เพราะว่าพุทโธบ่มีตัวตนสัตว์บุคคลอยู่ในหนิ มันเป็นธรรมชาติ เป็นธัมโม เป็นธรรมชาติ เป็นธาตุรู้ซื้อๆ

รู้ให้ตะพึดตะพืออันหนิ เขาด่าก็รู้ เขาย่อง(เขาชม)ก็รู้ขึ้นคือเก่า แม่นบ่แม่สุรินทร์  เขาย่องก็รู้ซื้อๆ พุทโธหนิ ถ้าเอาพุทโธยืนโรงไว้..


บางส่วนจาก หลงนิมิตเสียเวลา(๒) (1:09:22 - 1:12:54)

พระธรรมเทศนาหลวงตาศิริ อินฺทสิริ วัดถ้ำผาแดงผานิมิต (หลวงตาสนทนาสอน สอบถามกับโยมที่มาปฏิบัติเป็นภาษาอีสาน)

https://drive.google.com/file/d/0B6OG_Su4MwGZaWIxT2s1bmNKV00/view?usp=sharing